"A scola di cantu di Natale Luciani" pà a festa di a lingua corsa in Aiacciu

Cum'è tutti l'anni, Gilles Andreani è Jean André Orsoni anu rispostu di sì da chì i membri di a "scola di cantu di Natale Luciani" participessinu à a festa di a lingua corsa in Aiacciu urganizata da u sirviziu LCC di a Cità.
Cinque attelli sò stati prisintati da l'animatori à u publicu numarosu :
- Lingua corsa cù Prescillia
- Ghitarra cù Ange
- Cantu in paghjella cù Sampieru
- Cantu (zitelli di u primariu) cù Cecilia è Thomas
- Cantu (cullegiani è liceani) torna cù Cecilia è Thomas

Dopu à tanti sciaccamani fatti da u publicu pà incurasgì i cantadori, a sittantina di zitelli anu compiu u cuncertu cù u "Diu vi salvi Regina" chì a ghjente hà statu à sente ind'un silenziu rilighjosiu.
Ch'elli sianu ringraziati i zitelli, l'animatori, a squatra amministrativa è parenti pà a qualità di stu cuncertu è à truvacci quist'annu chì vene !